بين الشموع
بقلم : سميرالشحيمي

الفصل الحادي والعشرين

وفي غرفة نوم سلطان دخلت رقية وقالت: والله هذا نسيبك يحر وينرفز الأعصاب
سلطان: شو فيج معصبه شو قالك هالمره؟
رقيه: اقوله أن باخذ البنت تسوي فحوصات وغيره لأن إحتمال تكون حامل يقولي عادي ياعمه الأمور طيبه بتصيري جده
سلطان: ما شاء الله شمعه حامل الله يقومها بالسلامه
رقيه:شوفيك مستانس أقولك إحتمال مب أكيد لأن اليوم داخت علينا هنا بالبيت وكنه أعراض الحمل باديه تطلع عليها وحابه أتأكد
سلطان: هذا رزق من الله محد يرده الضنا هذا الضنا
رقيه:عاطتنها حبوب منع الحمل تستخدمهن بس هوه كشفهن الحبوب وشلهن عنها
سلطان: أنتي ياحرمه جاك بمخك شي ليش تعطي بنتك هالحبوب تبيلها المشاكل
رقيه: أبي مصلحتها أفضل لها ماتجيب أعيال وهيه بهالسن مع هالشايب العايب
سلطان :قدرت الله فوق كل شيء
رقيه:والنعم بالله يالله تصبح على خير
وفي غرفة نوم مبارك وشمعه مبارك يمشط لحيته ويقول لشمعه: كيف كانت المدرسه؟
شمعه تصكر باب كبت ملابسها :الحمدلله زينه
مبارك: ديري بالك على نفسك وعلى اللي ببطنك عشان صحتكم ولا ترهقي نفسك بالمذاكره
شمعه:بعده ما نعرف إذا في حمل أو لا باكر براجع طبيبة النساء
مبارك: أن شاء الله تكوني حامل بخاطري ولد منك
شمعه: يصير خير تصبح على خير
وفي اليوم الثاني الكل راح عمله ورقية وبنتها شمعه بالمستشفى شمعه تسوي فحوصات وطلعت النتيجه بعد ساعتين الطبيبه :مبروك حامل بالشهر الثاني بصرفلك أدويه وفيتامينات وراجعيني بالموعد القادم عشان نتابع الحمل وأبتعدي عن الإرهاق الجسدي والنفسي
شمعه: إن شاء الله دكتوره
وفي السياره سلطان يسوق يقول لشمعه : أتبعي تعليمات الطبيبة ولا تبعي كلام أمك وديري بالك على نفسك
رقيه أطالع سلطان بعصبيه
شمعه: ولا يهمك يا أبوي بس جلست أحسب أن موعد ولادتي بيكون بنفس موعد إمتحاناتي آخر السنه وعاد هاي آخر سنه لي
سلطان : توكلي على الله وربك بيفرجها وماراح يضيعلج تعب
رقيه: كان الله في عونك يابنتي رضينا بين الهم بس الهم مارضى فينا
سلطان : صلي على النبي يا رقيه وكوني عون للبنت
رقيه: إن شاء الله
ومن بعد صلاة المغرب يدخل محمد بيت أبوه سلطان راجع من مسقط إجازة نهاية الأسبوع يسلم على أمه وأبوه
سلطان : حياك ولدي محمد كيف كان الدوام والأجواء بمسقط؟
محمد: الحمد لله على كل حال صدعت طلاب والجو رطوبه
سلطان : يالله لابد منه هذا جوها بالصيف
رقيه: طمني عليك وعلى أخوك حسن تتلاقى معاه؟
محمد:الحمدلله كلنا بخير أيوه أشوفه لما يكون نازل إستراحه وهو باكر بينزل إجازه وبيكون موجود هنيه الظهر
رقيه: يالله زين اشتقتلكم باكر نتجمع كلنا على الغدا واختك عايشه باكر بتكون بعد موجوده تخلص دوامها وبتجي الصبح بسيارتها
محمد: وما حاولت عايشه يقربونها هنيه بمستشفى البلاد أحسن عن تكون بعيده بمستشفى صحار
سلطان: حاولنا بس مافي شاغر ومن يكون فيه شاغر بيتواصلوا معانا
محمد:عساه خير إن شاء الله
وفي بيت مبارك مجتمعين على العشا
أم مبارك : مبارك ولدك عبدالله يبي يتزوج وخبرتني بدريه ويبي بنت صاحبك خميس
مبارك: أيوه خبرني عن نيته بزواج بس ماقالي بنت من يبي بالضبط
بدريه: يبي بنت خميس وهو عنده بنت وحده إسمها ماجده
مبارك: مب مشكله شوفوا لنا أي يوم تروحوا تتقدموا للبنت رسمي
بدريه: حسبتك بتعترض ولا هامك يعني من راح ياخذ!؟
مبارك : ليش أعترض هو مقتنع من اختياره وخميس ريال ونعم فيه وأعياله مانسمع عنهم الا كل خير
أم مبارك : شكلك من تزوجت من هاي العايله وانت صارلك غسيل مخ أنت وأعيالك
مبارك: مافي شي أسمه غسيل مخ هاي رغبات وزواج نصيب وهو اللي بيعيش معاها مب أنا ولا أنتي
بدريه اطالع شمعه: وحده موجوده معانا بلعناها بس اللحين بنتين من نفس العايله وحده ماخذه الأب والثانيه بتاخذ الولد
شمعه: والله محد ضرب زوجك على إيده انه يتزوج بنت أصغر من اعياله
أم مبارك : نزوه شو انسوي وارث ابوه بكل شي سبحان الله
مبارك:بس خلاص من المعاير بدريه شوفي أي يوم يناسب عشان نسير نخطب للولد وأحب أقولكم ترا شمعه حامل بالشهر الثاني فديرو بالكم عليها
أم مبارك : مسرعها ما واحت خلصي دراستك بعدين فكري بالعيال
مبارك : يا أمي الله يخليك هذا شي مب بيدها فخفي على البنت شويه
وقام مبارك من الطاوله وقال:الحمد لله بدريه أنتظرك بالغرفه من تخلصي شغلك
وراح مبارك غرفة بدرية
قالت أم مبارك: ليش بعد تنتظري شغلك يخلص موجوده شمعه هيه بتشل صحون العشا مع الخدامه
شمعه:انا حرمه حامل ولازم أرتاح وابتعد عن أي شي يضر الجنين
أم مبارك : والله بزمنا ماكان عدنا هالمنكر وحالك من حال شريكتك بدريه
شمعه تقوم من الطاوله وترفع الصحون وتسير المطبخ
وفي غرفة بدريه تكلم مبارك: كلمني عبدالله إنك تبي تفتح محل في مسقط لذهب والمجوهرات
مبارك : أيوه شو اللي يمنع
بدريه: مافي شي يمنع ومحلك هنا من بيمسكه ويديره؟
مبارك : لا تحاتي محصل حد يديره وقت غايته
بدريه : ليش بهالوقت تبي تتوسع بتجارتك
مبارك: من الآخر عشان أكون قريب منك وماريد إبتعد عنك
بدريه: والله إنك غريب وضعك متزوج علي وبعدك ماتبي تفارقني وأنا أريد الفكه من وجهك
مبارك يضحك: مالك أمل وراك وراك
بدريه : غثيث وتغطي نفسها بالبطانية وتنام.

يتبع…

This site uses cookies to offer you a better browsing experience. By browsing this website, you agree to our use of cookies.
Verified by MonsterInsights